ସୁକୁମାରୀ ଝିଅ ଟେ ସେ . . .
ସୁକୁମାରୀ ଝିଅ ଟେ ସେ . . .
ଆଖିରେ ରଖି ଲାଜର ଭଣ୍ଡାର
ଗୋଲାପି ଓଠରେ କିଛି ଅକୁହା କଥା
ହୃଦୟ ବୁକୁରେ ରଖି ଅନେକ ସ୍ଵପ୍ନ
କିଛି କହିବାକୁ ଚାହୁଁଥିଲା ସେ ସତେ
ସେ ଦିନର ସେଇ ସୁକୁମାରୀ ଝିଅଟେ || (୧)
ମିଠା ବଂଶୀଟିଏ ହେବାପାଇଁ ଚାହୁଁଥିଲା ସିଏ ମୋ ସଙ୍ଗୀତର
ଚାହୁଁଥିଲା ହେବାପାଇଁ ରାଜହଂସୀଟିଏ ମୋ ସ୍ଵପ୍ନର
ବର୍ଷାଟିଏ ହେବାପାଇଁ ଚାହୁଁଥିଲା ସେ ମୋ ମରୁଭୂମି ଜୀବନର
ଶାୟାରୀ ଟେ ହେବାପାଇଁ ଚାହୁଁଥିଲା ମୋ ପ୍ରେମର ସତେ
ସେ ଦିନର ସେଇ ସୁକୁମାରୀ ଝିଅଟେ || (୨)
ଆଖି ସାଥେ ଆଖି ମିସାଉଥିଲା ସେ
ମୁରୁକି ହସୁଥିଲା ଦେଖି ମୋତେ
ଚାଲୁ ଚାଲୁ ଟିକେ ଝୁଂଟୁଥିଲା ସିଏ
ମନ କିଣୁଥିଲା ତାର ଇଶାରା ରେ
ମନେ ମନେ ସତେ ଖଜୁଥିଲା ସାଥିଟିଏ
ରଙ୍ଗ ଭରିବାକୁ ତା ଫିକା ଜୀବନରେ
ସେ ଦିନର ସେଇ ସୁକୁମାରୀ ଝିଅଟେ || (୩)
ସମୟର ସ୍ରୋତ , ଲୁହର ସେ ନଦୀ
ଭସାଇ ନେଇଥିଲା ସବୁ ଆଶା ଆକାଂକ୍ଷା କୁ
ବିଳମ୍ବ ହେଇଯାଇଥିଲା ମୁଁ ବୁଝିଲା ବେଳକୁ
ରାତ୍ରିର ଘନ ଅନ୍ଧକାର ରେ ପ୍ରଶ୍ନ କରେ ଆଜି ବି ମୁଁ ନିଜକୁ
କ'ଣ ଆଉଥରେ ଗଢି ପାରିବକି “ ସେ ସୁକୁମାରୀ ଝିଅଟି” ତାର ସେଇ ବାଲିଘରକୁ ? ? ? (୪)
ଦେବେନ୍ଦ୍ର ଧିନ୍ଦା
Comments
Post a Comment