ସମ୍ପର୍କ - ଏଠି ମିଛ ର ଛାୟା ରେ !!!
"ସମ୍ପର୍କ" - ଏକ ପବିତ୍ର ବନ୍ଧନ , ବିଶ୍ୱାସ ର ପ୍ରତୀକ ,
ଏକ କାଚ ଘର ଭଳି ଜାଣିଥିଲି
କିନ୍ତୁ ଏଠି ଯେ ସେ ମିଛ ର ଛାୟାରେ ବନ୍ଧା ,
ତାହା କେବେ କଳ୍ପନା କରି ନଥିଲି ||
ଆଉ ମୁଁ ବିଶ୍ୱାସ କରୁଥାଏ ତାକୁ ପ୍ରତିଥର ,
ତୁମର ପ୍ରତ୍ୟକ ଶବ୍ଦ କୁ ସତ ଭାବି ନିଜ ହୃଦୟକୁ ବୁଝାଇ ଦେଉଥିଲି
କାରଣ "ସମ୍ପର୍କ" ଟା ଏଠି କାଚ ଘର ବୋଲି ଭାବିଥିଲି ||
ଜଣାଇଥିଲ ମୋତେ ତୁମେ ଏ ଦୁନିୟା ଟା
ଯେ ତୁମ ପାଇଁ ପାଗଳ ବୋଲି ,
ତଥାପି କାହିଁକି କେଜାଣି ଲାଗୁଥିଲା ମୁଁ କେବଳ ତୁମର ଆପଣାର ପରି ,
ତୁମ ଓଠରେ ଥିଲା ସବୁବେଳେ ନୂଆ ନୂଆ ବାହାନା ,
ଯାହା ମୋ ଆଖି ପାଇଁ ଲୁହର ସାଗର ସାଜୁଥିଲା ||
ମୋ ହୃଦୟରେ ଗଢ଼ିଥିଲି ମୁଁ ତୁମ ପାଇଁ ଗୋଟେ ଅମୁଲ୍ୟ ଘର ,
କିନ୍ତୁ ତୁମ ର ସେଇ ମିଛ ଛାୟା ର ନିର୍ମମ ପବନ ଟା ଏଠି
ସତେ ଯେମିତି ଏ ସମ୍ପର୍କ କୁ କରିଦେଲା ଦୁର୍ବଳ ||
ମିଛ ର ଛାୟା କେବେ "ସମ୍ପର୍କ" କୁ କରେନାହିଁ ମଜବୁତ
ଦେଇଥାଏ କେବଳ ଏକ ଅସ୍ଥାୟୀ ଆଶ୍ରୟ ,
ସତ୍ୟ ର ଅଭାବ ରେ ଭାଙ୍ଗିଯାଏ ଏ ହୃଦୟ ଆଉ ସମ୍ପର୍କ ର ଗୃହ ,
"ସମ୍ପର୍କ" ଭାଙ୍ଗିଲେ କେବେ ସିନା ହୁଏନାହିଁ ଶବ୍ଦ ,
ହେଲେ ହୃଦୟ ଭିତରେ ନୀରବରେ ମରିଯାଏ ଏକ ଶବ୍ଦ -" ବିଶ୍ୱାସ" ||

Comments
Post a Comment