ଏ ଜୀବନ ପଥେ ଏମିତି ପଥିକଟେ ମୁଁ . . .
ଏ ଜୀବନ ପଥେ ଏମିତି ପଥିକଟେ ମୁଁ . . .
ଏ ଜୀବନ ପଥେ ଏମିତି ଯେ ପଥିକ ଟେ ମୁଁ
ଚାଲେ ଆଜି ବାଟ ଏକା ଏକା
ମାୟାମରିଚିକା ଜୀବନ ଜଙ୍ଗଲରେ
ଖୋଜିବୁଲେ “ସମ୍ପର୍କ“ ର ସଂଜ୍ଞା ||(୧)
ସମ୍ପର୍କ ଟା ଏଠି ଅଦିନିଆ ବର୍ଷା
ଏଇ ଅଛି ଆଉ ଏଇ ନାହିଁ
ଧନ ରତ୍ନ ମୋହ ମାୟାରେ ସେ ବନ୍ଧା
ଆତ୍ମା ପକ୍ଷୀ ବି ଜାଣିପାରେ ନାହିଁ ||(୨)
ସମ୍ପର୍କର ବର୍ଣ୍ଣବୋଧ ବହିଟିରେ ଆଜି
ଖୋଜିବୁଲେ ପୃଷ୍ଠା ପୃଷ୍ଠା କରି
ଧନ,ରତ୍ନ,କୁବେର ସମ୍ପତ୍ତି ଆଉ ଚାକିରୀ ସରକାରୀ
ଉତ୍ତର ରେ ମିଳେ ପରା ସଂଜ୍ଞା ତାହାରି ||(୩)
ଆତ୍ମା ପକ୍ଷୀ ମୋର ଖୋଜି ଖୋଜି “ସମ୍ପର୍କ” କୁ ଆଜି
ହେଲାଣି ଯେ ବାଟବଣା
ଚାତକ ଟେ ପରି ରହିଛି ସେ ଚାହିଁ
ଜାଣେ ନାହିଁ କେବେ ଶୁଖିଯିବ ଏ ଜୀବନ ର ଧାରା ||(୪)
ଏ ଜୀବନ ପଥରେ ଏମିତି ଯେ ପଥିକ ଟେ ମୁଁ
ଜାଣେ ନାହିଁ ପଥ ସରଗ କୁ ନା ନରକକୁ
ଜାଣେ ଖାଲି ପରା “ସମ୍ପର୍କ” ଟା ସତେ ନିଶ୍ୱାସ ପ୍ରଶ୍ୱାସ
ବନ୍ଦ ହେଲେ ଥରେ ଫେରିପାରେନା ସେ ତା ପୁରୁଣା ପଥକୁ ||(୫)
ଏ ଜୀବନେ ପଥେ ଏମିତି ଯେ ପଥିକ ଟେ ମୁଁ . .
Debendra Dhinda
Comments
Post a Comment